Davao City – Miapelar ang Davao City Police Office sa publiko nga dili magpalupad og aerial drone sa bisan asang dapita sa dakbayan.
Gipasabot ni Davao City Police Office Spokesperson Police Senior Inspector Teresita Gaspan nga ang pagpalupad sa drone hugot kining gidili sa mga tawo nga wala nagkupot og permit gikan sa Civil Aviation Authority of the Philippines.
Giluwatan ang maong pamahayag sa opisyal human duha ka mga batan-on nga giilang sila Calvin Clyde Juyad, 20 anyos nagpuyo sa Green Land Toril ug Camille Ngoho, 20 anyos, taga Don Lorenzo Toril ang gi-aresto sa Presidential Security Group(PSG) kay nagpalupad og drone ibabaw sa pinuy-anan ni Presidente Rodrigo Duterte sa Doña Luisa Subd Quimpo Boulevard ning syudad.
Naalarma ang mga PSG members ug natahap nga dunay naghimog surveillance dihang nakita ang aerial drone nga nagtuyok-tuyok tungod gyud sa presidential residence.
Gilayong gi-endorso ang duha lakip ang aerial drone sa Talomo PNP aron sila maimbistigahan sa mga otoridad.
Kasamang Joel Viray
