Roxas City, Capiz – Ginapanawagan subong sang pamunuan sang Civil Aviation Authority of the Philippines (CAAP) sa mga kabarangayan nga malapit sa Roxas City Airport nga likawan ang pagpalupad sang mga borador (kite) sa sini nga summer season, bangud sarang ini makatuga sang peligro kag aksidente sa mga nagalupad kag nagahugpa nga eroplano.
Suno kay Mrs. Cynthia Aspera, Airport Manager sang Roxas City Airport nga nagapakig-angut na ini sa mga Punong Barangay sang natungdan nga mga lugar agud sa pagpangayo sang bulig para madali nga mapahangup ang mga residente sa peligro nga matuga sang pagpalupad sang borador malapit sa airport.
Ginpahayag dugang ni Aspera nga ginabawal man ang pagpalupad sang mga salampati, drones kag iban pa. Nagalaum naman ini sang paghangop kag kooperasyon sang mga residente.
Facebook Comments
