Davao City – Gihatagan og pagtagad sa Davao City Council ang nagkataas nga kaso sa pagpamaligya ug pagpakatag sa mga iligal ug peke nga sigarilyo ug vape sulod sa siyudad pinaagi sa joint committee hearing nga gipangulohan ni Committee on Trade and Industry Councilor Myrna Dalodo-Ortiz ug sa Committee on Health nga gipangulohan ni Councilor Trisha Ann Villafuerte.
Ang maong pagdungog gilusad human sa privilege speech ni Councilor Rachel P. Zozobrado, nga nanawagan sa Konseho sa pagpangita og solusyon pinaagi sa lehislatibong aksyon.
Gipasiugda sa mga partisipante gikan sa nagkadaiyang ahensya sa gobyerno ug mga miyembro sa pribadong sektor ang importansya sa usa ka “whole-of-society approach” aron epektibong masulbad ang problema, lakip na ang pagpalig-on sa regulasyon.
Sumala ni Konsehal Zozobrado, ang kalihokan timaan sa tinguha nga mapadayon ang dungog sa Davao isip modelo sa maayong pangagamhanan ug aron mapanalipdan ang katawhan gikan sa kadaot.
RadyoMaN Kareen Beltran
Facebook Comments
