Davao City – Nabalaka ang pipila ka driver sa close cab sa Buhangin, syudad sa Davao human mipadayag sa ilang reaksyon nga posibleng maapektohan, ang ilang pagpamasahero human sa nahitabong paghold-up usa ka estudyante sa Marquila Complex, Deca Tigatto, Main Road, Buhangin District, Davao City.
Sa interbyu sa DXDCRMN Davao kang Arnel Fuentes, close cab driver gisulti niya, nihinay ug naapektohan ang ilang pagpamasahero, tungod dili malikayan nga mobati og kahadlok ang mga pasahero.
Segun ni Fuentes, nagkahiusa usab ang mga driver nga magma-igmat og motabang sa kapulisan sa Buhangin, pinaagi sa pagreport sa mga dautang tawo nga maghimo’g krimen.
Samtang giingon usab ni alias Dodong, taga Mandug isip close cab driver, dako usab og epekto sa ilang pagpamasahero, ang maong krimen.
“Mabalaka gyud ta pariha aning naay nahitabong hold-up maapektohan gyud mi kay taga Brgy.Mandug mi”,Sulti ni alias Dodong.
RadyoMaN Don Pulayao
Facebook Comments
