Davao City – Giinbestigahan pa sa kapolisan sa Sta.Maria, Davao Occidental ang pagpamusil patay sa mag-apohan kagabii.
Sa telephone interview sa DXDC RMN Davao, giila ni P/Sr.Supt.Cesario Daculing CIO-Davao Occidental Police Provincial Office ang mga biktima nga sila si Fidel Largo, 54 anyos ug ang iyang apo nga si Alias Adrian, 10 anyos, Grade 4 pupil ug nagpuyo sa Sitio Tibungoy, Barangay Poblacion, Sta.Maria, Davao Occidental.
Base sa initial nga inbestigasyon, nahitabo ang insidente alas 10:15 kagabii, samtang natulog na ang mga biktima. Kalit na lamang nanuktok ang usa ka wa mailhing tawo ug sa dihang giabrehan kini ni Fidel, gipusil kini ug naigo sa ulo nga miresulta sa iyang kamatayon, human sa pagpusil sa apohan giadto na pud sa suspect ang apo nga si Adrian nga nahinanok na pagkatulog niadtong higayona ug gipusil sa ulo nga miresulta sab sa kamatayon niini.
Human sa pagpamusil, daling miiktad ang wala pa mailhing suspetsado.
Kasamang Bernard Pantallon
