Davao City – Gikapungot sa han-ay sa kapulisan sa Davao Region ang pagpusil-patay sa pulis nga si PSMS Jon Nuezca sa mag-inahang Sonya ug Frank Gregorio sa Paniqui, Tarlac.
Gibutyag ni PRO XI spokesperson Police Major Eudisan Gultiano, gikondena ug wala nila gi-tolerate ang maong brutal nga pagkutlo sa inosenteng kinabuhi sa nakabangi niining mga silingan.
Sa nakita ni Gultiano kung basehan ang viral video sa social media, dili kini police operation ug dili maaplikar ang warrantless arrest.
Angay iagi og diyalogo ang nahimong away magsilingan o mamahimong ang istasyon sa pulis sa maong lugar ang niresponde.
“Kinalulungkot namin at syempre nagagalit kami sa nangyari kasi naapektuhan po ang entire institution. Ang aksyon na iyon ni PSMS Nuezca does not reflect to the entire PNP organization. In fact para sa amin itong ginawa ni Nuezca is not an act of a police officer, pagkatao na ho niya iyan kasi ang police officer exercise maximum tolerance,” segun ni Gultiano.
Kanunay gipasidad-an ang tanang kapulisan nga ipatuman ang maximum tolerance sa bisan unsang sirkumstansya.
Gimanduan ang tanang hepe sa kapulisan nga ipailawom sa psychiatric evaluation ang si bisan kinsang pulis dinhi sa rehiyon kung katingad-an na ang nilihukan ug problemado na kini.
RadyoMaN Aimee Guinita
