PAGPAMUSIL SA KAPITAN UG DUHA KA KAUBANAN, GIIMBISTIGAHAN PA

24
Accident or crime scene cordon tape, police line do not cross. It is nighttime, emergency lights of police cars flashing blue, red and white in the background

General Santos City—Nagpadayon pa karon ang gihimong imbistigasyon sa Maitum PNP kalabutan na sa pagpamusil patay kang Mindupok , Maitum, Kapitan Muhammad Akmad kansa gipusil saw ala pa mailhing suspek alas 12:30 ang takna sa udto niadtong nakalabayng adlaw.

Nasayran nga samdan sa maong pagpamusil ang duha ka kaubanan sa kapitan kansa anaa karon sa ospital diin usa niini ang anaa sa kritikal nga kondisyon.
Sa pakighinabi sa Rmn Gensan News Team ngadto kang Police Captain Rodel Javison , Hepe sa Maitum MPS gibutyag niini nga padulong sa baybay ang maong kapitan sakay sa motorsiklo aron mopalit ug isda kauban ang iyang utility ug driver apan sa ilahang pagpauli agi sa National highway, gisundan kini sa duha ka suspek nga nakamotorsiklo ug lain pang duha ka suspek nga gikaingong back up ug diretso gipamausil ang mga biktima nga mi-igo sa ilang kalawasan.
Napuruhan matud pa si Kapitan Akmad human naigo sa iyang abaga ug likod nga miresulta sa iyang kamatayon.
Samtang ang duha niini ka kauban ang nagpabilin pa sa ospital alang sa ilang medikasyon.Saysay pa niini nga basi sa ilang imbestigasyon usa sa motibong ilang ginalantaw ang pagbabag sa kapitan sa pagtukod ug bag-ong kampo sa MILF sa iyang barangay kung asa nagsugod ang maong problema miaging bulan pa nga nakamugna ug kahadlok sa katawhan human misulod ang maong grupo sa ilang lugar.
Duna nay person of interest ang kapulisan gumikan nailhan sa mga tawo ug mga paryente sa kapitan ang suspek kung asa didto kini mipadulong sa ilang kampo human gihimo ang krimen.
Sa karon, gi-andan na sa kapulisan ang tukmang kaso nga ipasang-at batok sa mga suspek.(Rv)

Facebook Comments