Pagpamusil sa lungsod sa Dinas, duha patay usa angol

Dinas, Zamboanga del Sur – Duha ang patay ug usa ang angol sa nahitabong kagubot kagabii didtong dapita sa Purok 5, Brgy. Legarda , Dinas, Zamboanaga del Sur.
Sa inisyal nga imbestigasyon sa Dinas PNP, nahitabo ang kaguliyang nga miresulta sa pagpamusil sa mismong pinuy-anan ug tiindahan sa pamilyang Miniosa . Patay na nga naabtan sa miresponde nga kapulisan ang usa ka Josie Miniosa nga nakahi-agum og samad pinusilan sa iyang lawas, naakbsan usab ang aktibong sakop sa Brgy. Tanod nga si Wilson Masayon Estimo, 49 anyos lumulupyo sa Brgy. Legarda Uno sa nahisgutang lungsod.
Sa eksklusibong interview sa RMN Pagadian kang Joan Miniosaang survivor nga samaran usab sa maong hitabo, nag-inom matud pa sila niadtong higayopna kauban ang iyang inahan ug igsuon human mahalin ang ilang gibaligya ng lubi og kalit nga niabot ang suspek nga barangay tanod nga si Wilson Estimo og sa walay igong hinungdan gipamusil sila niini gamit ang calibre 45 nga pistola. Dead on the spot si Josie Miniosa human naigo sa dughan human nakita nga natumba ang iyang igsoon daling gidagan ni Joan ang suspek apan gipusil usab siya rason nga natumba.
Nagtoo ang samaran nga si Joan nga ang ila nang mga silingan ang nipusil ug niluba sa suspek nga miyembro sa Tanod. Blangko pa ang kapulisan sa motibo sa maong pagpamusil.