General Santos City—Padayon ang ginahimong imbestigasyon sa kapulisan sa Polomolok, sa nahitabong pagpamusil patay sa Silway 8, Polomolok, South Cotabato.
Giila ang biktima nga si Tammy Escolano, 37, supervisor sa Magnolia ug residente sa may Prk. Riverside Polomolok, pasado alas 7:00 ang takna sa gabii.
Sumala pa kang Lorine, 20, estudyante, pag-umangkon sa biktima, alas 7:00 pasado ang takna sa gabie dihang adunay nanuktok sa pultahan sa balay sa iyang uyuan pag-abli sa biktima didto na kini gipusil sa wala mailhing suspek.
Sakto usab paggawas ni Lorine sa iyang kwarto siya naigo sa bala nga miigo usab sa iyang uyuan.
Wala na madala pa sa ospitala ng biktimang si Escolano human nakabsan gilayon kini ug kinabuhi, samtang si Lorine,gidala sa Dr. Jorge Royeca Hospital human natapsingan.
Paspas matud pang nakasibat ang mga suspek human sa pagpamusil. Gibutyag pa ni Lorine nga wala gyud sila masayod kung si kinsa ang suspek ug si kinsa ang posibling motibo niini.
