Davao City – Gipaklaro sa Task Force Davao ang alegasyong pagpangdapat sa sundalo sa mga menor de edad.
Sa eksklusibong interbyu sa RMN Davao kang TFD Commander Col. Consolito Yecla nga subay sa imbestigasyon wala nanakit ang mga sundalo kinsa igo lamang niresponde sa nahitabong riot niadtong Sabado sa gabie.
Matud ni Yecla nga atol sa ilahang pagtagbo sa mga ginikanan sa mga bata, giawhag niini nga mupasang-at og mga reklamo ngadto sa korte aron maimbestigahan ug masuta ang kamatuoran sa insidente.
Sumala ni Yecla nga andam usab ang sundalong si SGT. Ronny Casaquite sakop sa 89th Infantry Batallion nga atubangon ang maong alegasyon sa mga complainants.
Si Casaquite usa sa mga dugang pwersa sa Task Force Davao kinsa temporaryong gipadala sa Davao aron mubantay sa Kadayawan Festival.
Gibutyag ni Yecla nga dili nila gina-tolerate erring personnel ug tabunan ang mga maling binuhatan sa mga sundalo.
Subay sa maong insidente nakigkoordinar si Yecla sa Public Safety and Security Command Center aron ang mga tanod ang mamahimong unang muresponde sa mga insidenteng riot sa syudad.
RadyoMaN Aimee Guinita
