Gipaundang ni Philippine Statistics Authority o PSA Manager Osler Mijares ang pagpang-distribute ug priority number sayo sa buntag o sa dili pa magbukas ang ilang buhatan.
Kini tungod ila man nga nasuta nga gikabuangan ang maong mga number sama sa pagbaligya ug uban pa ngadto sa nagkinahanglan niini.
Matud ni Mijares, mahatag lang ang maong number sa pagbukas na sa ilang buhatan human aduna nay gibitbit ug na-fill apan na nga form ang matag indibidwal.
Samtang, gi-discourage usab ni Mijares ang paglinya ug sayo bisan kadlawon pa sa ilang buhatan tungod sa seguridad sa matag usa.
Gisiguro ni Mijares nga bisan pa ug dili sila mangadlawon makakuha gayud sila ug number sa PSA tungod wala naman niya gitugot nga undangon ang pagpanghatag ug number alang sa bisan unsa mang transaksyon sa Philippine Statistics Authority o PSA.
