Davao City – Walay hunong ug padayon pa nga gipakusgan sa City Government of Davao ang kampanya sa pagpanalipod sa mga kababayen-an ug mga kabataan batok sa unsa man nga klase sa pagpangabuso.
Sa mensahe ni Davao City Mayor Sara Duterte-Carpio atol sa International Day for the Elimination of Violence Against Women and Children (VAWC) niadtong Miyerkules (Nobyembre 25, 2020), gibutyag niini nga adunay mga insidente sa pagpangabuso nga natala labi na panahon sa quarantine tungod sa Coronavirus Disease 2019 (COVID-19) pandemic.
Gi-awhag sa Alkalde ang publiko mga kinahanglang mahimong responsable ang tanan sa pagreport sa mga insidente’ng pagpangabuso labi na sa mga kababayen-an ug kabataan.
“As we commence our 18-day campaign to end violence against women, let us vow to speak up to take action and to report any form of violence against women in our communities,” saysay sa Mayor.
Gipaniguro sa lokal nga gobyerno nga abri kanunay ang Integrated Gender and Development Division ug Barangay VAWC desks alang sa mga problema labot sa pagpangabuso sa nahisgutan.
RadyoMaN Kirby Manzon
