Davao City – Human nakasinati sa makusog nga bagyong Pablo ang Davao Oriental lima na ka tuig ang nakalabay, nagpabling dakung leksyon sa katawhan sa maong lalawigan.
Sumala ni Office of the Civil Defense (OCD-XI) director Leoncio Cirunay, ang maong lalawigan mao usab karon ang pinakusog sa mga training sa disaster preparedness, tungod niini aduna na sila karo’y kaugalingon Incident Management Team pinaagi usab sa mga kagamitan nga maoy mohatag og ensaktong impormasyon kabahin sa kalamidad ilabina ang bagyo.
Gipasabot usab sa director sa OCD-XI, kung makapangandam lang gyud ang mga tawo sa taliabot nga kalamidad ilabina ang bagyo, dili kaayo dakog damyos ug walay mamatay.
Giklaro usab ni Cirunay human makasinati sa mga katalagman adunay mga makat-onan nga maangkon aron maoy magamit isip pagpangandam sa mga umaabot pang kalamidad.
RayoMaN Bernard Pantallon
