Davao City – Dili mapugngan kung mahitabo ang natural phenomena ug wala nay control sa unsa man nga matang sa kalamidad sama sa bagyo nga muhapak sa nasud sama sa bagyong ‘Vinta’ ug ‘Agaton’ nga ni-atraka human nasinatian sa katawhan sa parte sa Visayas ug isla sa Mindanao.
Sumala ni Central 911 chief Emmanuel Jaldon nga matag usa ka tao angayang adunay pagpangandam sa kaugalingon sa panahon sa katalagman, sa pamilya ug pagpangandan sa komunidad ug dili lamang mag agad sa gobyerno nga tabangan rason nga naa naman tanan warning kun unsay angayan pabuhaton.
Matud ni Jaldon nga dili gayod malikayan sa matag eksperyensa sa panahon sa bagyo, adunay makat-onan ug diha makita nga adunay kakuwangan ug unsa angay himuon sa panahon sa kalamidad.
Gipaabot ni Jaldon sa tanang katawhan nga panahon nga i-adopt na ang preparasyon sa tanang panahon ilabina kun masinatian ang ‘tropical storms’ nga muigo sa katawhan matag tuig.
Gipasabot ni Jaldon nga kun adunay mga warning, ang bugtong angayan buhaton mao ang pag-andam sa kaugalingon ug dili lang magsalig sa mga rescuer ug responder.
RadyoMaN Don Pulayao
