Senior Citizen nanambong sa Oplan Pinaskuhan
Pahalipay, masahi, gupit ug pagkaon gisaw-an
Paghatag ug importansya sa mga katigulangan
Timaan nga ang ilang sektor wala gipasagdan.
RMN DXDC Davao Oplan Pinaskuhan karong tuiga
Kalami sa paminaw nga nalipay sila sa programa
Senior Citizen nga daw wala gyuy pagkaluya
Tuhod wala gyud muwagol kay perti pang lig-ona.
Katiguwangan angay gayud hatagan og pagtagad
Pila na lang ka katuigan sa ilang kinabuhi muligad
Ipakita kanila ang atong pagpangga way paglubad
Atong pagbati sama sa langit ang iyang kalapad.
Nagbaguod intawon sa pinaskuhan si lolo ug lola
Ilang mga pahiyom ug gakos sa kalipay paigo na
Imong himsog nga panglawas among pangaliya
Salamat sa gamay nga panahon nagkauban kita.
RadyoMan Erin Lumosbog
Facebook Comments
