Davao City – Gibatikos ni Magdalo Partylist Representative Gary Alejano si Pres. Rodrigo Duterte tungod sa paghalok niini sa Pinay OFW nga si Bea Kim atol sa iyang official visit sa South Korea.
Sumala ni Alejano nga dili binuhatan sa usa ka lider ang pakighalok og babaye sa publiko busa nakasaway og maayo ang magbabalaod sa pamuno-nasud tungod hinomoan lang daw kadto sa mga tiglingaw.
Dili kumbensido si Alejano sa depensa ni Pangulong Duterte nga palingaw lang iyang tuyo dihang gihalokan niya si Bea Kim ug gani kapila na daw kahigayon gipakaulawan sa pamuno nasud ang iyang buhatan.
Giguba matud pa ni Duterte ang moralidad sa mga Pilipino dili lang sa Pilipinas apan sa tibuok kalibutan imbes nga mao untay unang magpakita og respeto.
Kung ugali nipuna ug nagpuna man ang hut-ong sa mga kritiko sa pamuno-nasud kana duna matud pay basehan sanglit bisan daw si Alejano wala pod nakapugong aron batikoson si Duterte.
Aminado si Alejano nga walay tugbang kaso puwede ipasang-at kang Presidente Duterte gumikan sa gihimo niini gawas lang sa impeachment apan dili pa kini puwede mahitabo sa karon.
Busa, gihagit ni Alejano si Duterte nga magsilbing maayong sumbanan sa katawhan sa natad moralidad ug dili sulundunon sa kabasbutasan ug sa walay ka-delikadesa.
RadyoMaN Joel Viray
