Davao City – Padayon karon nga gigukod sa Digos City Police Office ang suspetsado nga giingong nanghold-up sa usa ka tindahan sa Barangay Tres de Mayo.
Matud sa pamahayag ni Police Lt. Col. Glen Ipong, Hepe sa Digos City Police Station, alas 8:55 sa gabii, Agosto 30, 2025 (Sabado), nakadawat sila og tawag tungod sa usa ka hold-up ang nahitabo sa Purok San Francisco drive, Tres de Mayo, Digos City.
Nasayran nga usa ka tindera nga giilang si Alyas “Angel” ang gihold up sa suspek ug matud pa nga aduna kini dala nga mubo nga armas ug gitangag ang 10,000 nga salapi nga halin sa tindhan.
Daling nisibat ang suspek human nga nagmalampuson sa iyang dautang plano, apan sa pagsubay sa kapulisan, nailhan kini nga giilang si Alyas “Jimz” kinsa padayong gipangita sa otoridad.
Samtang gikatakda na nga pasakaan og kaso ang suspek bisan wala pa kini sa kamot sa otoridad.
RadyoMaN Bien Abanos
Facebook Comments
