Maathag nga pagpangilngil ang motibo sang mga rebelde nga NPA sa pagluthang sa salakyan sang Century Peak Energy Corporation (CPEC) sa barangay Igcabugao, Igbaras, Iloilo sang nakaligad nga adlaw.
Ini ang ginpahayag ni 301st Brigade Commanding Officer Col. Benedict Arevalo.
Suno kay Arevalo nga sang 2015, ginsunog man sang NPA ang mga kagamitan sang CPEC kag karon ginapuga nila ang kumpaniya nga maghatag sang revolutionary tax ilabi na nga malapit naman ang eleksyon sa 2019.
Ginhatagan pagtamod ni Arevalo nga indi na bag-o ang nasambit nga modus sang mga rebelde.
Ang Century Peak Energy Corporation ang isa ka hydropower plant builder sa banwa sang Igbaras.
Ginganyat sang opisyal ang publiko nga ipahibalo gilayon sa militar ang extortion activities sang NPA agud gilayon nga matapna sang militar.
