(Report via DYHP RMN Cebu)
Nadkapan na ang matuod nga suspek sa pagpatay kay Christine Lee Silawan, 16-anyos nga estudyante nga ginhimuslan, ginpatay kag ginpanitan pa ang nawong sa Cebu.
Ini ang ginkumpirmar ni NBI Director 7 nga si Atty. Tomas Enrile. Ang suspek nga naga-edad sang 17 anyos nga ex boyfriend snag ginpatay nga dalagita.
Sa interview sang RMN Cebu kay Atty. Enrile indi pa nila mapagwa ang ngalan sang suspect tungod menor de edad apang ginahitso na ang documento para ma file ang kaso.
Pagpangimon ang ginalantaw ang motibo sang suspect sa pagpatay sa biktima sa diin antes ang krimen, ginpahayag nga nakita snag suspek ang biktima nga nagakaon sang balot upod ang iban nga lalaki.
Kumbinsido naman ang nanay ni Christine nga si Lourdes Silawan nga may kahilabtanan ang menor de edad sa pagpatay sa iya anak.
Suno kay Lourdes, ginatugyan na niya sa otoridad kag sa korte ang paghatag snag hustiysa sa kamatayon snag iya anak.
Nagalaum man ini nga maaresto ang iban pa nga kaupdanan sang suspek sa paghimo sang brutal nga krimen sa iya anak.
Photo via RMN DYHP Cebu
