Davao City- Sagad sa mga problema sa katawhan dinhi sa Davao Memorial Park mao ang pag-locate kung asa dapit ang lubong sa ilang minatay tungod dugay na kini wala nakaduaw.
Atol sa interview sa DXDC RMN Davao kang Davao Memorial Park Interment Supervisor Rey Alicando miingon kini nga dali nila kining ginaresponde pinaagi sa pag tunol nila sa maong concern sa ilang information desk diin adunay mga personahe sa ilang opisina ang muhatod mismo sa sam-ang sa ilang minatay.
Dugang pa niya ubay ubay na ang miadto karon sa maong sementeryo gani gabii aduna na sab pipila ka mga tawo ang nag sleepover.
Gisaysay pa niini nga kung itandi miaging tuig mas daghan ang miduaw sa ilang mahal sa kinabuhi miaging tuig nga Nobyembre uno itandi karong tuiga.
Nasayran sa Davao Memorial park aduna nay dul-an 33,000 ka mga lubong ang ania dinhi nga sementeryo.
RadyoMaN Abi Bibera
