ILOILO CITY – Mangin mahapos na ang pagpangita sang lehitimo nga boarding house diri sa syudad sang Iloilo.
Ini bangud sang boarding house finder application nga ginhimo sang mga Information Technology students sang Western Institute of Technology kag igahatag sa city government.
Ang proyekto ginpresentar sang mga estudyante sa tion sang KAhublagan sa BArangay para sa LApnagon nga KAhandaan sa KAlamidad ukon (KABALAKA) Tech meeting sa City Hall agud makakuha snag dugang nga inputs sa proyekto.
Ang app ginatawag nga Iloilo city boarding house finder kag magapakita sang lista sang mga boardinghouse nga kumpleto sa dokumento kag rehistrado sa syudad.
Makita man sa app ang amenities sang tagsa ka boardinghouse kag ang ila mga rental rates.
Ginpahayag ni K6 Gabiota isa sa mga app creators, dako ang mabulig sini sa mga estudyante kag empliyado nga nagapangita sang boarding house diri sa syudad sang Iloilo.
Ang Iloilo amo ang sentro sang komersyo para sa rehiyon 6.
