South Cotabato – Personal Grudge ang motibo nga gitutukan karon sa Tampakan PNP kalabutan sa pagpanglabay ug granada sa Sitio Bukang Liwayway, Barangay Kipalbig, Tampakan, South Cotabato nga gikaangol sa usa ka batan-on.
Nasayran nga alas 8:45 ang takna sa gabie adlawng Martes, gilabayan ug Granada sa duha ka suspek ang biktimang si Junel Rioja, 20, residenti sa maong lugar.
Nakaangkon ang nasampit ug samad sa nagkandaiyang parti sa lawas human sa insidenti. Gilayon man usab kining gidala sa ospital ug kasamtangan pa karon nga gipailawom sa obserbasyon.
Positibo usab nga gitudlo sa biktima ang mga suspek sa paglabay ug Granada kaniya mao silang si John Ralph Eslacin ug Rodel Canlas residenti gihapon sa maong lugar.
Sumala pa nga nagbaton ug dili pagsinabtanay ang duha ka suspek ug ang biktima kansa maoy gituohang nagtukmod sa duruha nga himuan ug dili maayo ang biktima.
