Davao City – Subling nanawagan ang kapulisan sa Panabo City nga kanunay magbinantayon ug mamahimong pulis sa kaugalingon aron dili mabiktima sa bisan unsang krimen ug kung adunay mulo o reklamo, mamahimong muduol dayon sa ilang buhatan aron kini maaksyonan.
Kini subay sa mga reklamo sa katawhan nga giingong sagunsong tulis ug kawat sa lungsod.
Sa pakighinabi sa DXDC RMN Davao kang Alay Salera Umayan kinsa nakasaksi mismo sa pagpanguot og bag, iyang gibutyag nga usa ka babaye ang nakuotan og kwarta ug ATM card sulod sa usa ka ukay-ukayan sa Panabo.
Gisaysay ni Umayan nga babaye ra pud ang mga suspetsado kinsa gisuwayan pa nila og gukod apan wala na naapsan ug dili na usab masubay pa tungod sa guba nga CCTV sa area.
Gani komento pa sa pipila ka mga nabiktima sab nga Panaboans nga kanunay man anaa ang presensya sa kapulisan apan aduna gyuy mga tawong hawod mangita og lusot ug paagi aron lang gyud makabuhat sa susamang krimen.
RadyoMaN Ivy Parido
Facebook Comments
