Ang atong lawas usa ka templo. Mao ni siya ang balay sa atong kalag ug importante kaayo nga ato kining ampingan. Kay kung kini atong pakan-on og mga chemicals nga makadaut sa atong lawas, makaguba kini sa atong health ug moresulta sa atong pag-antos ug pagkamatay.
Maka-adik ang pagpanigarilyo ug usa sa mga rason nganong lisod undangan kini tungod kay maka-adik ang nicotine. Dili lang kini makadaut sa imong panglawas, kon dili makadaut pud ni sa baga sa mga tawo nga nakahanggap sa imong gibuga nga aso.
Ang pagpanigarilyo maoy usa sa mga hinungdan sa daghang sakit dinhi sa kalibutan, sama sa sakit sa baga, sakit sa kasingkasing ug labi na gyud sa pinakauna ug delikado nga sakit, ang sakit sa cancer.
Ania ang nagkalain-laing sakit sa cancer tungod sa pagpanigarilyo:
1. Lung Cancer
2. Kidney Cancer
3. Throat Cancer
4. Mouth Cancer
5. Esophagus Cancer
6. Stomach Cancer
7. Nagkalain-laing klase sa Leukemia
8. Cancer of the nose and sinuses
Ania pud ang mga rason kung nganong makadaut ang pagpanigarilyo sa imong panglawas:
1. Imong mga ngipon mausab ug ma-stain og color yellow
2. Imong mga kuko mohinay-hinay og ka color yellow ug dali rang mangaputol
3. Dali ra kang matiguwang ug magka-wrinkles
4. Mangalagas ang imong mga buhok
5. Dali ra kang mamatay kaysa sa uban nga wala nanigarilyo
Ug tungod kay makadaut ni sa imong panglawas, nganong imo pa mang sugdan o padayonon? Kung ganahan ka mabuhi og taas-taas dinhi sa kalibutan ug maka-angkon og healthy nga panglawas, himoa ang mas maka-ayo para nimo. Una ka modagkot sa imong sigarilyo, huna-hunaa ang imong kaugmaon, ang kaugmaon sa mga bata/tawo nga makahanggap sa imong aso gikan sa imong giyup-yup nga sigarilyo. Tinubdan: healthcorner.com, wikipedia.com. (Sinulat ni Dj Ali Matok.)
Matag Sabado atangi ang Health & Body episodes alang sa lain-laing topic kabahin sa panglawas.
