Davao City – Nadagit sa mga tulisan ang P180, 000 lakip na ang mga personal nga mga butang sa mga trabahante sa usa ka delivery hub sa El Rio, Bacaca Road, Brgy. 19-B, Davao City pasado alas 8 sa gabii niadtong December 7, 2023.
Sa pakighinabi sa DXDC RMN Davao kang Jay Pee Felizarde nga anaa niadtong tungora, iyang gibutyag nga unom nalang sila nabilin atong orasa para mag-remit sa hub apan kalit lang niabot ang mga suspect ug gidagit tanang halin lakip na ilang mga ID.
Dako ilahang pagtuo nga planado ang maong krimen tungod ang lihok sa mga tulisan daw relax lang kaayo nga murag gipangandaman.
Posible usab matud pa nga konektado kining mga suspect sa mga tulis nga nahitabo sa Tagum City diin ang ilahang punterya mao ang dagkong mga kwarta ug hangtod karon wala silay ideya kung kinsa katong mga tawhana.
Sa karon, hunong usa ang operasyon sa delivery hub hangtod sa sunod semana.
Facebook Comments
