Pormal na nga naka hural ang pipila ka mga opisyales sa Hugpong Ng Pagbabago gikan sa nagkadaiyang barangay sakop sa dakbayan sa Dapitan lakip na usab ang mga dagkong opisyal sa Dapitan ug pipila ka mga mayor dinhi sa probinsya sa Zamboanga del norte nga nakigtimbayayong sa grupo sa pamilyang Jalosjos para sa umaabot nga piliay karon 2019 nga eleksyon.
Mismo si HNP Chairman Inday Sarah Duterte ang nanguna sa pagpanumpa ngadto sa buot makig abin sa iyang partido nga lokal. Dili lamang mga taga Zamboanga del norte ang atua didto kagahapon apan lakip na usab ang taga suporta ni Inday Sarah ngagikan sa kasikbit nga mga probinsya sama sa probinsya sa Zamboanga Sibugay, Zamboanga del sur, Misamis Occ. Ug daghanan pa kaayo gikan sa lagyong lugar.
Uban ni Mayor Duterte si Dir. Sa BuCor Ronald Dela Rosa ug uban pa nga mga senatorial candidates para sa 2019 election kinsa gi endorso ni Mayor Duterte.
Mitambong usab sila si Mayor Rosalina Nene Jalosjos, Ist district Cong. Bullet Jalosjos, ug Romeo Nonong Jalosjos.
Laumang daghan pa nga mga opisyales ug mga kanhi pulitiko dinhi sa Zamboanga del norte ang manumpa ug makig alyado sa Hugpong ng Pagbabago kun magkaduol na unya ang eleksyon dinhi sa nasud sa Pilipinas.
