Katunayan nilagdaan na nina Agriculture Secretary Manny Piñol at BARMM Ministry of Agriculture, Fisheries, and Agrarian Reform Minister Mohammad Yacob ang ilang memorandum of agreements para sa mga proyekto.
Kabuuang P303-Million ang ilalaan ng DA para sa mga proyekto para mapalago pa ang agrikultura sa BARMM.
Nakapaloob sa nilagdaang MOA ang mga programa para sa high value crop development, konstruksyon ng farm-to-market roads at solar-powered irrigation systems, at livestock development at iba pa.
Nais ng DA na mapalakas ang sektor ng agrikultura ang pangingisda sa bagong geopolitical entity.
Kaugnay nito plano ni Secretary Piñol na pulungin ang municipal agriculture officers, provincial agriculture officers, at mga stakeholders upang magkaroon ng workshop at bumuo ng roadmap para sa agricultural development doon.
