ILOILO City – Gin-athag sang DILG nga katungdanan sang law enforcement agencies kaangay sang PNP kag PDEA ang pagpasaka sang kaso sa mga barangay officials nga naulamid sa illegal nga droga. Suno kay City DILG Director Atty. Ferdinand Panes, makapila na ka beses nila ginpadala-an sang memorandum ang mga barangay officials nga ginatudlo nga may kaangtanan sa illegal nga droga apang hugot nga nagapanginwala ang mga ini. Ang pahayag ginhimo ni Panes kasunod sang liwat pagkadalahig sang ngalan ni Bakhaw Mandurriao punong barangay Remia Gregori sa illegal nga droga. Si Gregori ang ginatudlo nga ginremittan sang kwarta sang isa ka suspek sa buybust sang mga kapulisan. Kalakip man si Gregori sa tatlo ka kapitan nga gin-imbestigaran sa kapaslawan nga malakip ang ngalan sang iya mga himata sa lista sang mga drug personalities nga ginsubmit sa PDEA. Photo from web Tags: Visayas, DYRI774, RMN Iloilo, Iloilo City, Remia gregori, Drugs in Iloilo
