photo credits to the owner
Nahugyaw ang social media dihang migawas ang kamanduan sa City Engineers Office sa pag-abolished o pagtangtang sa fish pond nga anaa diha sa may baslayan sa purok de oro barangay Poblacion.
Kini tungod, subay sa kamandu-an ni City Engineer Leonor Actub hangtud nalang karong hulyo dos ang mga gambalay sa maong fish pond ug kinahanglan nga malimpyo na kini human sa maong petsa.
Gibatikos sa mga netizens ang kamanduan ni Actub tungod nagpasagad lamang matud pa kini sa pagmando nga ipasirado ang nahimo na untang atraksyon sa katawhan.
Gani, gikwestiyon pa nila si Actub kun unsa ang nahatag nga problema sa mga isda nga gibutang sa maong lugar sanglit nalimpyo naman unta ang maong baslayan gumikan sa pagmintinar sa nagdumala niini.
Wala na matud pay laing nakita ang gobyerno mao ang pagbungkag sa maayo untang talan-awon sa katawhan.
Subay sa maong hisgutanan nangita ug pamaagi ang rmn iligan aron makakuha ug tubag gikan sa hintungdan nga opisyal nga mao si City Engineer Leonor Actub.
Apan wala tubag nga nadawat ning atung sibyaan aron usab mapatin-aw ni actub ang iyang bahin labot sa ilang rason sa pagpasirado sa fish pond diha sa purok de oro barangay Poblacion.
Sa ngalan sa patas nga pagsibya pabilin nga bukas ang rmn iligan alang kang engr. Actub nga makahatag kini sa iyang tubag aron malamdagan usab ang katawhang iliganon kun nganong ipasirado nila ang nahimo nang atraksyon sa katawhan.
