Sa gilusad nga ocular inspection sa otoridad, nasuta nga dako na ang danyos ug nakita ang posibilidad nga mahugno na kini ug delikado na alang sa mga motorista, drivers ug sa tanang muagi.
Komento sa residente sa Montevista nga si Gilbert Lindero nga magmuntar unta daan og mga alternatibong ruta una mag road closure kay matud pa looy ang nagaagi kada adlaw ug gikabalak-an nga basin og mubalik sa gakit ang pamaagi sa pagtabok.
Dugang pa ni Kim Alvarez nga dili kini sa hingpit mapatuman kay aduna’y mga tawong mangita og paagi aron makalusot lang ug samot nga delikado kung mubalik sa pagsakay og gakit ang mga residente tungod giingong tanang nagpuyo sa Mayaon muagi gyud sa maong tulay.
Sa pagkakaron, hugot nga gimanduan sa gobyerno nga ipasirado na dayon kini sa hingpit alang sa kaluwasan sa tanan.
RadyoMaN Ivy Parido
