Ipinagbabawal pa rin ang pagpasok ng publiko sa six kilometer permanent danger zone sa Bulkang Mayon.
Ito ay kahit ibinaba na kahapon ng PHIVOLCS ang alert level ng Bulkang Mayon sa alert level 1 mula sa dating alert level 2.
Babala ng PHIVOLCS, posibleng magkaroon pa rin kasi ng hindi inaasahang rockfalls o phreatic eruption sa summit ng bulkan kahit ibinaba na ang alerto nito.
⚠️ UPDATED as of 05 MARCH 2024
ALAMIN: Alert Level ng monitored active volcanoes
Para malaman ang volcano alert level scheme, bisitahin: https://t.co/TolFMwJxnu#BantayBulkan #HandaAngMayAlam pic.twitter.com/cIckpsvPEP
— PHIVOLCS-DOST (@phivolcs_dost) March 5, 2024
Sa interview ng RMN Manila, sinabi ni PHIVOLCS Dir. Teresito Bacolcol na ibinaba ang alerto ng Mayon sa level 1 dahil na rin sa mga parametro tulad ng volcanic earthquake na nananatiling mababa simula pa noong Enero.
Bukod sa Mayon, nananatiling nasa alert level 1 ngayon ang ilan sa active volcanoes sa bansa tulad ng Taal, Kanlaoon at Bulusan.
