Davao City – Giduso karon sa Child Rights Network kun CRN, UNICEF Philippines, Council for the welfare of Children ug ACT Children alliance nga palapdan ang edad sa coverage sa mga biktima sa Statutory Rape gikan 16 anyos paubos.
Sumala sa CRN nga sa kasamtangan ang 12 anyos lamang karon ang nahilakip sa proteksyon sa balaod ubos sa Anti Rape Law of 1997.
Segun sa maong mga grupo nga gilaraw niini nga traumatic alang sa mga rape victims nga ipasugilon ang nahitabo kanila.
Base sa datos sa Department of Social Welfare and Development (DSWD), tuig 2016-2017 adunay mahitabo nga pagpanglugos matag 62 minutos sa nasud Pilipinas diin pito sa matag napulo sa mga biktima pulos mga kabatan-onan.
Matud pa sa maong ahensya nga sagad biktima usab sa child rape ug incest mga kabataang nag edad gikan 14 ug Dise otso paubos.
Samtang magpahigayon og aktibidad ang nasangpit nga grupo sa Sangguniang Panlungsod nga titulohan og ‘#EndChildRape: Launch of the Campaign to Increase the Age to Determine Statutory Rape’ gikan alas 10:00 sa buntag ngadto sa alas 3:00 sa hapon.
RadyoMaN Aimee Guinita
