Dugang pahinumdom usab sa DepEd nga ipabiling “non-sectarian” o wala’y dapigang relihiyon ang mga pampublikong eskwelahan maong sila nagpahimangno nga kung mamahimo, kinahanglan nga tanggalon sad ang mga religious symbols sama sa krusipiho ug mga imahe aron nga dili lamang eklusibo sa usa ka relihiyon ang usa ka classroom.
Kini giuyonan sa netizen nga si Bernabe Tampus tungod kay para kaniya, dili tanan Katoliko ug ang eskwelahan alang sa tanan bisan paman sa nagkalain laing tinuohan basta kay dili lang gyud unta walaon ang pag-ampo sa kanunay.
“Ok ra, kay sa public schools basi sa Magna Carta kon ato gyud sundon, ang teachers dili gyud magpakita og pagdapig bisan sa unsa nga relihiyon. Angay nga ang classroom neutral sa tanan, kon magbutang ka og religious icons dili man tanan nagtoo niini,” kumento ni Tampus.
Apan nanaad si DepEd Undersecretary ug Spokesman Michael Poa nga bisan pag pananggalon ang maong mga dekorasyon o poster, mamahimo gihapon kining gamiton sa mga magtutudlo sa oras lamang sa ilang klase kung gikinahanglan na gyud sa pagtuon sa mga estudyante.
RadyoMaN Ivy Parido
