Padayon nga ginapadalman sang Leganes PNP ang imbestigasyon sa kamatayon sang 11-anyos nga bata sa barangay Cari-Minor , Leganes.
Ini matapos maguwa sa autopsy result nga may foul play sa kamatayon sang biktima kag natukiban nga hungod ini nga ginpatay kag ginpaguwa lang nga nagbitay.
Nahibaluan nga natigayon ang pag-autopsy sa bangkay sang biktima matapos ginpadamgo sini ang iya iloy nga daw nagapangayo sang bulig.
Ginpahayag ni Police Sr. Inspector Dadjie De Lima, hepe sang Leganes PNP nga sa ila padayon nga imbestigasyon, may yara na sila sang person of interest nga gina-monitor kag nagatipon man sila sang mga testigo sa krimen.
Gina-engganyo ni De Lima ang mga nakasaksi sa krimen nga magkooperar sa mga pulis para mahatagan sang hustisya ang nasambit nga biktima.
