Davao City – Hugot nga gikondena sa usa ka online media company ang pagpusil-patay sa ilang reporter nga si Orlando “Dondon” Dinoy niadtong Sabado sa gabii (October 30, 2021) sa Bansalan, Davao del Sur.
Alas 6:26 sa gabii sa dihang gipusil ang journalist sulod sa boarding house niini sa Mother Ignacia Street, Poblacion Uno, Bansalan, sa maong probinsya, diin nakahiagom kini og ubay-ubay ka samad pinusilan sa iyang lawas, hinungdan sa iyang hinanaling kamatayon.
Nanghinaut usab ang online media company asa nagtrabaho si Dinoy nga mapadali ang inbestigasyon ug makab-ot ang hustisya pinaagi sa pagsikop sa responsable sa krimen ug masayran usab ang motibo niini.
“WE CONDEMN THE DEATH OF DONDON AS WE APPEAL TO THE AUTHORITIES FOR A SPEEDY INVESTIGATION And Determine the motive behind his death As WE CRY FOR JUSTICE!” tipik sa statement sa Newsline Philippines.
Nasayrang nahimo usab nga correspondent si Dinoy sa usa ka newspaper company dinhi sa syudad sa Davao.
RadyoMaN Kirby Manzon
