Mabaskog nga ginapakamalaut sang Party list group nga “Bayan Muna” ang pagluthang –patay kay Bayan Muna-Iloilo city coordinator Jory Porquia kaina sang kaagahon (Abril 30) sa iya coffee shop sa Barangay Sto. Ninio Norte, Arevalo.
Sa press statement nga ginpaguwa sang Bayan Muna, ginpahayag ni Siegfred Deduro, Vice-President for Visayas sang nasambit nga grupo nga kabahin ini sang political killings nga nagatuyo sa paglagas sa mga aktibista nga kritikal sa administrasyon.
Gina-akusahan sang grupo ang Philippine National Police nga amo ang yara sa likod sang pagpatay kay Porquia bangud wala nila naluyagan ang ginahimo sang Bayan Muna nga pagbulig sa LGU sa pag-edukar kag paghatag sang relief goods sa mga pumuluyo sa tunga sang ginapatuman nga Enhanced Community Quarantine bangud sa COVID-19.
Ginakabig sang bayan muna nga daku nga kawad-an sa progresibo nga kahublagan si Jory Porquia.
