![DEAD-BODY.jpg](https://i0.wp.com/rmn.ph/wp-content/uploads/2021/08/DEAD-BODY-scaled.jpg?resize=696%2C464&ssl=1)
Davao Oriental – Personal grudged ang unang motibong gisusi karon sa kapolisan sa Governor Generoso Davao Oriental ang pagpatay sa usa ka membro sa LGBT human nakaplagang wala nay kinabuhi.
Subay sa initial nga imbestigasyon ni P/Ssg. Owen Zaragosa sa Gov.Generoso Municipal Police Station Investigator, ang biktima giila nga si Alias Joel, 35 anyos, nakaplagang adunay samad sa ulo nga bahin nga gituhoang gibulan sa magahing butang (bato) nga hinungdan sa iyang kamatayon.
Nakit-an ang biktima nga nagbuy-od kilid sa usa ka piggery sa Purok 8, Orchids St., Barangay Nangan, Gov.Generosa, Davao Oriental alas 7:30 sa buntag human nakit-an sa usa ka alias Raffy.
Gipalawman pa ang imbestigasyon sa kapolisan pinaagi sa usa ka person of interest.
Gikustodiya na usab sa kapolisan ang usa ka bato nga maoy gigamit sa krimen tungod sa mga lama sa dugo nga nakita niini.
RadyoMaN Bernard Pantallon