Sa interbyu sa DXDC RMN Davao kang Police Major Eudisan Gultiano, Police Regional Office XI spokesperson, gipalawman pa ang imbestigasyon aron masuta ang motibo sa pagpatay sa biktima nga si Patrolman Hariz Jhun Adayo, 26 anyos, taga- Poblacion Uno, Bansalan, Davao del Sur.
Nagsakay sa iyang motosiklo ang pulis gikan sa Bansalan padulong sa Hagonoy sa dihang gipusil sa mga suspek nga nagsakay sa NMAX nga motorseklo nga walay plate number. Ang biktima naigo sa nagkadaiyang parte sa lawas nga miresulta sa iyang kamatayon. Mga mamumuno gilayong misibat human sa krimen.
“Tinambangan kaagad siya ng noong dalawang lalaki na nakasakay sa motor, binaril siya at tinamaan iyong katawan niya,” sumala niini.
Narekober sa Provincial Crime Laboratory Office (PCLO) ang mga basiyo sa .45 nga kalibre sa armas.
Sumala ni Gultiano, usa sa mga tukion sa imbestigasyon kung aduna bay kalambigitan sa trabaho ang pagpatay niini ug uban pang mga anggulo.
Na-assign ang biktima sa Don Marcelino Municipal Police sa Probinsya sa Davao Occidental.
RadyoMaN Aimee Guinita
