Davao City – Gikondena sa Office of the Presidential Adviser on the Peace Process (OPPAP) ang gihimong mga pagpangatake sa Communist Party of the Philippines-New People’s Army (CPP-NPA).
Sa press statement hugot nga gikondena ni Presidential Peace Adviser Carlito Galvez, Jr., ang pagpatay sa Malayag Guerilla Front sa NPA kang tribal leader Datu Sammy Diwangan atubangan mismo sa iyahang nuebe anyos nga anak sa Barangay Canangaan, Cabanglasan, Bukidnon niadtong Enero 4 ning tuiga.
Subay sa report gilantaw’ng motibo sa pagpatay, ang pagsupak niini sa recruitment nga gihimo sa CPP-NPA sa ilang komunidad.
Matud ni Galvez, aron mapadayon ang gilaraw nga peace talks kinahanglang sensiro usab ang NPA.
“For the peace negotiations to happen, there is a need to create a conducive environment where both parties can face each other, confident that each one will keep their word, and most importantly, no innocent lives will be lost. In short, we must walk our talk,”
Nanghinaot si Galvez nga undangon sa NPA ang pagpangataki sa mga tropa sa gobyerno, ipadaplin una ang ilang mga armas ug undangon ang pagpangikil, rape ug pagpangdaut (sunog) sa mga pampubliko ug pribadong pasilidad.
RadyoMaN Aimee Guinita
