Pagpatigayon sang random drug testing sa mga estudyante sa mga pili nga eskwelahan sa rehiyon dose subong nga semana wala nadayon.

46

Wala nadayon subong nga semana ang pagpaidalom sa random drug test sa mga estudyante sa high school kag mandatory naman sa mga manunudlo dire sa rehiyon dose matapos nga sang Lunes kuntani ang pag-abot sang team nga halin sa national level sang Department of Education kag Department of Health.
Apang ang duda niya nga rason kon ngaa wala nag-abot ang team suno kay Dr. Allan Farnazo, Regional Director sang Department of Education ukon Dep. Ed. 12 ang tungod sa nagluntad nga duha ka insidente sang pagpasigabong sa banwa sang Isulan, Sultan Kudarat.
Samtang ginkumpirmar ni Dr. Farnazo nga ang mga naidentify nga eskwelahan sa probinsya sang Saranggani, Cotabato, General Santos City kag Dep. Ed. Regional Office ang mapaidalom sa drug testing.
Paklaro pa sang opisyal nga katuyuan sang nasambit nga random drug testing sa mga estudyante ang agud nga buligan sila kag indi nga ipabilanggo kabahin sang kampanya kontra illegal drugs sang Duterte administration.

Facebook Comments