Hugot nga seguridad usab ang gipatuman sa mga pantalan, ingon man gipatrolyahan ug giinspeksyon usab ang mga beach resorts sa pagpanguna ni Commodore Rejard Marfe, District Commander uban ni Coast Guard Station IGACOS Commander Ensign Vasit Venturillo sa pagkab-ot sa zero maritime incident.
Sa pakighinabi sa DXDC 621 RMN Davao kang Marfe gibutyag niini nga tulo ka mga bag-ong floating asset sa Coast Guard nga High Speed Response Boat ang gipang-deploy nga gigamit sa undas ingon man magamit usab sa paspas nga pagresponde sa mga emerhensiya ug insidente lakip na sa pagseguro sa kaliwasan sa matag-indibidwal.
Gani, kagahapon midagsa na sab sa pantalan nga pabalik sa Davao ang mga bakasyunista ingon man ang mga indibidwal nga nag-hinumdom sa undas, gani samtang gahulat nga makatabok gipang dalitan og snacks ingon man mainom ang mga katawhan.
RadyoMaN Kareen Beltran
