Davao City –Plano karon sa City Government of Davao nga magbaton og travel restrictions sa mga biyahero pasulod sa Davao Region.
Sumala ni Davao City Mayor Sara Duterte-Carpio, tungod sa nagkataas nga kaso sa Coronavirus Disease 2019 (COVID-19) gawas sa rehiyon ug mga natalang new variant sa COVID-19 sa ubang bahin sa Mindanao.
Gibutyag sa alkalde nga nagpadala na og formal letter ang lokal nga panggamhanan sa Regional COVID-19 Inter-Agency Task Force (RIATF) labot niini.
“We wrote RIATF (Regional COVID-19 Inter-Agency Task Force) about closing Davao Region to.. mga travelers gikan sa gawas sa Davao Region. Ang atoang RIATF nagpa-comment na sila sa mga local chief executives about this plan,” segun sa mayor.
Sumala ni Mayor Sara, napaabot na usab sa Regional IATF ang maong rekomendasyon sa mga local chief executives ug gihulat na lamang ang ilang kumento o tubag sa maong sugyot.
Gipasabot usab ni Duterte-Carpio sa maong sistema, walay labot ang essential travel o kadtong mga adunay importanteng transaksyon pasulod sa syudad sa bisan asang bahin sa Davao Region.
RadyoMaN Kirby Manzon
