Pagpatuman sa gimbuhaton sa kapulisan wala mabalda bisan pa ug kulang ang ilang mga patrol cars

Wala makabalda sa pagpatuman sa gimbuhaton sa kapulisan sa iligan ang pagbawi kanila sa ilang mga patrol cars sa kagamhanang lokal.

Gibutyag ni PNP Spokesperson Police Chief Inspector Jovanie Cabusas nga padayon ang ilang paghatag ug seguridad sa dakbayan taliwala limitado nga mga patrol cars.

Matud ni Cabusas, inisyatiba nilang mga sakop sa kapulisan ang paghimo ug pamaagi aron mamintinar ang maayong dagan sa kahusay ug kalinaw bisan sa kawad-on sa mga magamit nila nga sakyanan.

Gipasalig ni Cabusas nga dili babag ang pagbawi kanila sa kagamhanang lokal sa mga patrol cars tungod aduna paman usab silay magamit nga isyu kanila kaniadtu sa nasudnong buhatan sa kapulisan.