Davao City- Gipanganti sa City Social Welfare and Development Office (CSWDO) nga ma-fast track ang mga dokumentos nga gikinihanglan aron mahatag sa mga nasunugan ang pinansyal nga ayuda.
Sumala ni Buchoy Lugo, CSWDO Emergency Focal, nagpadayon ang validation sa evacuation areas sa Brgy. 21-C ug Brgy. 22-C sa pagsigurong lehitimo nga mga biktima gayud ang mudawat sa mga assistance.
Gibutyag niini modawat og P20,000 ang totally damage, P10,000-P15,000 sa partially damage samtang P5,000 sa mga renters ug sharers apan depende gihapon kini sa mamahimomg validation ngadto sa mga fire victims.
Nitunol ang CSWDO og mga cooked meals pinaagi sa Mobile Kitchen, mga food ug non-food items, tubig, hygiene kits ug modular tents.
Matud ni Lugo, sa datos as of February 27 1:30pm, sa Brgy. 22-C adunay 321 ka mga pamilyang apektado samtang gihulat pa ang opisyal ug final nga ihap sa mga apektado sa Brgy. 21-C.
RadyoMaN Aimee Guinita
Facebook Comments
