Pagproseso sa mga dokumento ng mga Pinoy sa Lebanon, minamadali na ng Philippine Embassy para sa posibleng malawakang repatriation

Minamadali na ng Philippine Embassy sa Lebanon ang pagproseso sa dokumento ng mga Pilipino roon.

Ito ay bilang bahagi ng kanilang paghahanda para sa posibleng pagdedeklara ng Level 4 o mandatory repatriation.

Naglagay na ng One-Stop Shop ang embahada para sa pagseserbisyo sa Overseas Filipino Workers o OFWs.

Ilan kasi sa OFWs sa Lebanon ang hindi dokumentado at isa ito sa maaarint maging hadlang para sa mas mabilis na paglilikas.

Nag-abiso naman ang Philippine Embassy na posibleng mabago ang venue ng One-Stop Shop depende sa sitwasyon.

Mas tumindi pa kasi ang military operation ng Israel sa Lebanon.

Gaganapin ang One-Stop Shop services sa Boghossian Theater, Bourj Hammoud, Lebanon sa darating na Linggo, September 29.