Sa interview sa DXDC RMN Davao kang PSMS Agelio Gravador, chief investigator sa Malita Municipal Police Station, iyahang giila ang biktima nga si Robertson Calibay, 36 anyos, residente sa nahisgutang lugar ug laborer sa usa ka tindahan sa Malita.
Subay sa mga nakasaksi nga residente sa lugar, kalit lang nilang nadunggan ang buto sa pusil gikan sa duha ka wala mailhing mga lalaki nga dali sab nga misibat human sa insidente.
Nakaangkon og tulo ka igo ang biktima nga daling gidala sa ospital. Samtang upat ka bala sa caliber .45 ang rekober sa crime scene.
“Naa ‘mi na-provide nga witness pero ngitngit man gud nang lugara dira. Nakita lang nila si Robertson nga naay duha katao nga nagpusil. Pagbuto-buto didto na. Mura’g abrupt lang nga pagkahitabo,” saysay sa imbestigador.
Sa pagkakaron, blangko pa ang kapulisan sa motibo sa krimen. Gikatingala sab sa mga silingan ang insidente diin ilahang nailhan nga buotan ang maong biktima.
RadyoMaN Kirby Manzon
