Sindangan, ZDN- Gipaniguro karon sa kampo ni Atty. Rogelio Dumdum nga anaa na kini siya sa luwas nga kahimtang human kini pusila sa wala mailang mga kriminal didto mismo sa iyang pinuy-anan sa lungsod sa Sindangan, ZDN.
Alang usab sa ilang seguridad wala sila mitahatag ug tukmang lugar kun asa nga balay tambalanan gidala si Atty. Dumdum.
Giingon usab sa kampo ni Atty Dumdum nga walay kalabutan si Siayan Mayor Flora Villarosa sa nahitababong pagpusil, sukwahi kini sa nanggawas nga istorya nga may kalabutan si Mayor Villarosa gani ang tinuod, ang kaalyado pa mismo ni Mayor Villarosa ang mitabang kang atty. Dumdum aron dad-on kini sa balay tambalanan.
Igo nalang sa pagkatawa si Atty Rogelio Dumdum human siya giistoryan sa iyang sakop nga gipasanginlan si Mayor Villarosa sa mga kaatbang niini sa pulitika.
Sa pagkakaron padayon pa nga nakigkutay ang inyong tigbalita ngadto sa kampo ni Gov. Uy aron kuhaon usab ang habig nila.
