Sa interview sa DXDC RMN Davao kang Police Major Ariel Pascual, hepe sa Maragusan Municipal Police Station, iyang gisaysay nga usa ang personal grudge sa ilang gitutokan nga anggulo sa pagpatay sa biktimang si alyas Nikko.
Saysay ni Pascual nga gabii niadtong Sabado sa dihang brownout sa Maragusan tungod sa walay undang nga ulan, sa dihang nangutana pa ang suspect sa mga tawo sa lugar ug pagkakita sa batan-on nga naglakaw, gipusil kini sa makadaghang higayon, dayon misibat ang mga suspect sakay sa motor.
Nakahiagom og 4 ka samad pinusilan ang biktima nga maoy hinungdan sa iyang kamatayon. Giingong kanhi na-involve sa organisasyon ang biktima ug posibleng duna silay nakabangi.
“Naay kasuko gyud siguro sa iyaha nganong miabot sa time nga bata pa man siya, pwede pa man sya warningan, pero miabot sa time nga gikutloan gyud sya’g kinabuhi,” sulti sa pulis.
Gipawagan usab sa kapulisan ang kooperasyon sa katawhan kalabot sa mga responsable, aron nga daling makab-ot sa pamilya ang hustisya.
RadyoMaN Kirby Manzon
