Sa interbyu sa DXDC RMN Davao, si PLtCol. Mark Donnald Edquibal, hepe sa Malita MPS, mibutyag nga upat ka suspetsado ang mipusil sa kapitan.
Segun ni Edquibal, wala pa masuta ang motibo sa krimen, ug gi-awhag niya ang mga testigo sa pagpakig-kooperar aron makahatag og insaktong pahayag.
Dugang pa niya, nagpadayon ang hot pursuit operation aron madakpan ang mga responsable.
Kahinumdoman nga si Kapitan Masiwel miadto sa Tubalan Elementary School aron ihatag ang sweldo sa iyang mga trabahante nga nagtrabaho sa bag-ong ginasugdan nga building sa maong tunghaan. Apan, pipila ka minuto ang milabay, kalit nga miabot ang upat ka wala mailhing armadong lalaki ug gipusil si Kapitan Masiwel, nga mitapos sa iyang kinabuhi. Nasamdan usab ang duha niyang bodyguard nga karon padayong gitambalan sa usa ka ospital sa Dakbayan sa Digos.
RadyoMan Don Pulayao
