Davao City – Wala gituyo ang nahitabo sa usa ka piniriso nga napusilan-patay sulod sa selda sa kapulisan sa Talomo kagahapon sa buntag.
Sumala ni Davao City Police Office (DCPO) Director P/Sr. Supt. Alexander Tagum, nagpasidaan na siya sa mga ginsakpan sa Talomo Police Station sa ilang gihimong ‘Oplan Galugad’ sulod sa selda nga dili magkompiyansa batok sa suspetsado tungod kay aburido ang ulo tungod sa kasong iyang giatubang ug posibleng mosukol kini sa mga awtoridad.
Gipasabot ni Tagum, kinahanglang depensahan sa pulis ang ilang kaugalingon gamit ang ilang armas batok sa mga magtinguha kanila sama sa nahitabo kang Rico Jay Lauron Labao nga nangilog og pusil hinungdang gipusil sa police nga miresulta sa kamatayon.
RadyoMaN Bernard Pantallon
